അന്താരാഷ്ട്ര സാക്ഷരതാദിനം ആചരിച്ചു

ഇന്ന് സെപ്റ്റംബർ 8 : അന്താരാഷ്ട്ര സാക്ഷരതാ ദിനം

1965 - ൽ ഇറാനിൽ നിരക്ഷരതാനിർമ്മാർജനത്തെ സംബന്ധിച്ച് നടന്ന ലോകസമ്മേളനം തുടങ്ങിയ ദിവസമായ സെപ്റ്റംബർ 8 അന്താരാഷ്ട്ര സാക്ഷരതാ ദിനമായി ആചരിക്കാർ 1966 ൽ യുനെസ്കോയുടെ അംഗീകാരം ലഭിച്ചു.1967 മുതൽ ആഗോളതലത്തിൽ സാക്ഷരതാ ദിനം ആഘോഷിച്ചു വരുന്നു.

സെപ്റ്റംബർ 8 അന്താരാഷ്ട്ര സാക്ഷരതാദിനത്തിൻ്റെ ഭാഗമായി തുറവൂർ ടി.ഡി.ടി.ടി.ഐയിലെ അധ്യാപകവിദ്യാർത്ഥികൾ ഓൺലൈനിലൂടെ പരിപാടികൾ സംഘടിപ്പിച്ചു.പമ്പ ഗ്രൂപ്പിന്റെ നേതൃത്വത്തിൽ ഗൂഗിൾ മീറ്റിലൂടെ നടത്തിയ പരിപാടിയിൽ അധ്യാപകവിദ്യാർത്ഥിനിയായ ശ്രീമതി.ധന്യ.എസ് അധ്യക്ഷപദം അലങ്കരിച്ചു.അധ്യാപകവിദ്യാർത്ഥിനിയായ കുമാരി.ആദിത്യ.എസ് പ്രാർത്ഥന ചൊല്ലുകയും കുമാരി.അനുപമ.എസ് സ്വാഗതം അർപ്പിക്കുകയും ചെയ്തു.മുഖ്യപ്രഭാഷണം അവതരിപ്പിച്ചത് അധ്യാപകവിദ്യാർത്ഥിനിയായ കുമാരി. ഗോപിക.ജി.കമ്മത്ത് ആണ്. പ്രിൻസിപ്പാൾ ശ്രീമതി.കുമാരി.കെ.എൻ പത്മം,ടീച്ചർ എജ്യുക്കേറ്റേഴ്സായ ശ്രീമതി.ആശ.വി,ശ്രീ.ആർ.രാകേഷ് കമ്മത്ത് എന്നിവർ ആശംസകൾ അർപ്പിച്ചു. കുമാരി.അമല ഷെറി സാക്ഷരതയുമായി ബന്ധപ്പെട്ട കവിതാലാപനം നടത്തി. കുമാരി. ആയിഷ നവാസ് പോസ്റ്റർ അവതരിപ്പിക്കുകയും കുമാരി. നെസ്ല സാക്ഷരതയുമായി ബന്ധപ്പെട്ട മഹദ് വചനങ്ങൾ അവതരിപ്പിക്കുകയും ചെയ്തു.അധ്യാപക വിദ്യാർത്ഥിനിയായ കുമാരി.ശ്രീപാർവതി.ആർ അവതാരകയായ പരിപാടിയ്ക്ക് നന്ദി അർപ്പിച്ചത് അധ്യാപകവിദ്യാർത്ഥിനിയായ കുമാരി.കവിത.പി.കെ ആണ്.ദേശീയഗാനത്തോടെ പരിപാടികൾ അവസാനിച്ചു.