നാദം 2023 ടി.ടി ഐ സ്കൂൾ കലോത്സവം ഉദ്ഘാടനം നിർവഹിച്ചു.
തുറവൂർ ടി.ഡി.ടി.ടി ഐ യിൽ അധ്യാപക വിദ്യാർത്ഥികളുടെ സ്കൂൾ തല കലോത്സവം ആഗസ്റ്റ് 11 ന് രാവിലെ 9 മണിയ്ക്ക് ഉദ്ഘാടനം നിർവഹിച്ചു.ഈശ്വര പ്രാർത്ഥനയോടെ ആരംഭിച്ച ചടങ്ങിൽ പി.ടി.എ പ്രസിഡൻ്റ് വി.സോജകുമാർ അധ്യക്ഷനായി. സ്കൂൾ പ്രിൻസിപ്പാൾ ശ്രീമതി കുമാരി പദ്മ ടീച്ചർ സ്വാഗതം ആശംസിച്ചു.പ്രശസ്ത യുവ മൃദംഗ വിദ്വാൻ ചേർത്തല വിഷ്ണു കമ്മത്ത് കലോത്സവം ഉദ്ഘാടനം നിർവഹിച്ചു. ടീച്ചർ എഡ്യൂക്കേറ്ററായ വി.ആശ, ആർ രാകേഷ് കമ്മത്ത് എന്നിവർ ആശംസകൾ അർപ്പിച്ചു. അധ്യാപക വിദ്യാർത്ഥി പ്രതിനിധി അലൻ ടി.ബിനോയ് നന്ദി രേഖപ്പെടുത്തി.തുടർന്ന് അധ്യാപക വിദ്യാർത്ഥികളുടെ ലളിതഗാനം, പദ്യപാരായണം, പ്രസംഗം, പ്രഭാഷണം, മാപ്പിളപ്പാട്ട്, മോണോ ആക്ട്, സംഘഗാനം, എന്നി മത്സരങ്ങളും അരങ്ങേറി..
