സഹവാസ ക്യാമ്പ് അവസാനിച്ചു.

ഒന്നിച്ചൊന്നായ് സഹവാസ ക്യാമ്പിൻ്റെസമാപന സമ്മേളനം സംഘടിപ്പിച്ചു.

ടി. ഡി ടി.ടി ഐയിലെ ഡി.എൽ.എഡ് വിദ്യാർത്ഥികളുടെ 15 ദിവസത്തെ സഹവാസ ക്യാമ്പിനോടനുബന്ധിച്ച് സമാപന സദസ്സ് പഞ്ചായത്ത് പ്രസിഡണ്ട് ശ്രീമതി പി.വത്സല ഉദ്ഘാടനം നിർവഹിച്ചു.ചടങ്ങിൽ വാർഡ് മെമ്പർ ശ്രീ കൃഷ്ണദാസ് അധ്യക്ഷത വഹിച്ചു. ചേർത്തല വിദ്യാഭ്യാസ ഓഫിസർ ശൈല ടീച്ചർ, പ്രിൻസിപ്പാൾ പദ്മ ടീച്ചർ, ടീച്ചർ എഡ്യൂക്കേറ്റർമാരായഹരി സാർ, ആശ ടീച്ചർ രാകേഷ് കമ്മത്ത് സാർ എന്നിവർ, ആശംസകൾ അർപ്പിച്ചു.തുടർന്ന് അധ്യാപക വിദ്യാർത്ഥികൾക്ക് ക്യാമ്പ് സർട്ടിഫിക്കറ്റ് വിതരണവും, ക്യാമ്പിൽ മികച്ച പ്രകടനം കാഴ്ച്ച വച്ച അധ്യാപക വിദ്യാർത്ഥികൾക്ക് ട്രോഫിയും വിതരണം ചെയ്തു.തുടർന്ന് നിറക്കൂട്ട് എന്ന പേരിൽ അധ്യാപക വിദ്യാർത്ഥികളുടെ കലാസന്ധ്യയും അരങ്ങേറി.

ഒന്നിച്ചൊന്നായ് സഹവാസ ക്യാമ്പ് ആരംഭിച്ചു.

ഒന്നിച്ചൊന്നായ് സഹവാസ ക്യാമ്പ് ആരംഭിച്ചു.

ഡി.എൽ.എഡ് വിദ്യാർത്ഥികളുടെ കരിക്കുലത്തിൻ്റെ ഭാഗമായുള്ള 15 ദിവസത്തെ സമൂഹ സമ്പർക്കസഹവാസ ക്യാമ്പ് ഏപ്രിൽ 1 മുതൽ ആരംഭിച്ചു.പഞ്ചായത്ത് പ്രസിഡണ്ട് ശ്രീമതി പി.വത്സല ഉദ്ഘാടനം നിർവഹിച്ചു. മെമ്പർ ക്യഷ്ണദാസ്, വിദ്യാഭ്യാസ സ്റ്റാൻ്റിങ്ങ് കമ്മിറ്റി ചെയർ പെഴ്സൺ ദീപ എന്നിവർ ആശംസകൾ അർപ്പിച്ചു. പിടിഎ.വൈസ് പ്രസിഡണ്ട്.വി.എസ് ജയ് ചന്ദ്, പ്രിൻസിപ്പാൾ പദ്മ ടീച്ചർ, എഡ്യൂക്കേറ്ററായ ഹരികൃഷ്ണ ബാബു, ആശ.വി.രാകേഷ് കമ്മത്ത് എന്നിവർ സംസാരിച്ചു. ക്യാമ്പിൽ അധ്യാപക വിദ്യാർത്ഥികളുടെ പാർലമെൻ്റ് വിവിധ കലാപരിപാടികൾ വിദ്ഗധരുടെ ക്ലാസുകൾ, സർവ്വ മത പ്രാർത്ഥന. തുടങ്ങി ഒട്ടേറെ പരിപാടികൾ തുടർന്നുള്ള ദിവസങ്ങളിൽ വിദ്യാലയത്തിൽ സംഘടിപ്പിച്ചിട്ടുണ്ട്.

പഠനയാത്ര സംഘടിപ്പിച്ചു.

തുറവൂർ ടി.ഡി ടി.ടി ഐ യിൽ,ഡി.എൽ.എഡ്. കരിക്കുലത്തിൻ്റെ ഭാഗമായി മൂന്നാം സെമസ്റ്റർ വിദ്യാർത്ഥി കളുടെ പഠനയാത്ര മാർച്ച് 25, 26, 27 എന്നി ദിവസങ്ങളിൽ കേരള കലാമണ്ഡലം, വരിക്കാശ്ശേരി മന, കിള്ളി കുറുശ്ശിമംഗലം, കുത്താംമ്പിളി, കോഴിക്കോട്, നടക്കാവ് സ്കൂൾ, കാരപറമ്പ് സ്കൂൾ..ലളിതാകലാ അക്കാദമി സർഗ്ഗാലയ, കോഴിക്കോട് ബീച്ച്, മിഠായിതെരുവ്, തുഞ്ചൻ പറമ്പ്, തിരുനാവായ ക്ഷേത്രം, നിലപാട് തറ, മണിക്കിണർ, എന്നി ചരിത്ര പ്രാധാന്യമുള്ളതും, കല സാഹിത്യ സംസ്ക്കാരിക മേഖലകളെ കേന്ദ്രികരിച്ചാണ് യാത്ര സംഘടിപ്പിച്ചത്. സ്കൂൾ പ്രിൻസിപ്പാൾ, പദ്മ ടീച്ചർ, ടൂർ കോ.ഓർഡിനേറ്റർ ഹരികൃഷ്ണ ബാബു, ടീച്ചർ എഡ്യൂക്കേറ്റർമാരായ ആശ.വി.രാകേഷ് കമ്മത്ത്. എന്നിവർ യാത്രയ്ക്ക് നേത്യത്വം നൽകി. അധ്യാപക വിദ്യാർത്ഥികളെ വിവിധ വകുപ്പിൻ്റെ അടിസ്ഥാനത്തിൽ ഗ്രൂപ്പുകളാക്കി തിരിച്ച് ചുമതലകൾ നൽകി. യാതയ്ക്കായി വിദ്യാർത്ഥികൾ പാചക വിദ്ഗധനായ അപ്പു ചേട്ടൻ്റെ സഹായത്തോടെ പാചകവും നിർവഹിച്ചു. പഠനയാത്ര 27 തിയതി 12.30 ഓടെ അവസാനിച്ചു.