പക്ഷിനിരീക്ഷണം ഫീൽഡ് ട്രിപ്പ് സംഘടിപ്പിച്ചു

പക്ഷിനിരീക്ഷണം ഫീൽഡ് ട്രിപ്പ് സംഘടിപ്പിച്ചു..

തുറവൂർ ടി.ഡി ടി.ടി ഐയിൽ ഞായാറാഴ്ച്ച രാവിലെ മാതൃഭൂമി സീഡ് ക്ലബിൻ്റെ നേതൃത്വത്തിൽ ചങ്ങരം ,കരിനിലം പ്രദേശങ്ങളിൽ രാവിലെ 6.30 യ്ക്ക് പക്ഷി നിരീക്ഷണം സംഘടിപ്പിച്ചു.കോഓർഡിനേറ്റർ അനിൽ കുമാർ സാറിൻ്റെ നേതൃത്വത്തിൽ കേരളത്തിലെ പ്രശസ്തരായ പക്ഷിനിരീക്ഷകർക്കൊപ്പം ബൈനാകുലറിൻ്റെ സഹായത്തോടെ 50 ലധികം പക്ഷികളെ നിരീക്ഷിക്കുകയും, വിവരങ്ങൾ രേഖപ്പെടുത്തുകയും ചെയ്തു.സ്കൂൾ പ്രിൻസിപ്പാൾ പദ്മ ടീച്ചർ, ജയ ടീച്ചർ, സുമേഷ് സാർ, മഹേഷ് സാർ എന്നീ അധ്യാപകരും ഫീൽഡ് ട്രിപ്പിന് നേതൃത്വം വഹിച്ചു.തുടർന്ന് ബോധവത്കരണ ക്ലാസും സംഘടിപ്പിച്ചു.

aa

ആഗോള ചെറു ധാന്യവർഷം ആചരിച്ചു

ആഗോള ചെറു ധാന്യ വർഷം ആചരിച്ചു..

തുറവൂർ ടി.ഡി ടി.ടി ഐ യിൽ ആഗോള ചെറു ധാന്യവർഷത്തിൻ്റെ ഭാഗമായി അധ്യാപക വിദ്യാർത്ഥികൾ,യു പി വിദ്യാർത്ഥികൾ ചേർന്ന് ചെറുഭക്ഷ്യധാന്യമേളയും ഭക്ഷ്യ പ്രദർശനം, വിഡീയോ പ്രദർശനം, എന്നിവ സംഘടിപ്പിച്ചു.50 ലധികം ചെറു ധാന്യങ്ങൾ കൊണ്ടുള്ള ഭക്ഷണ പദാർത്ഥങ്ങൾ പ്രദർശിപ്പിച്ചു. അധ്യാപക വിദ്യാർത്ഥികൾ തത്സമയം തയ്യറാക്കിയ ചോളപൊരി വിതരണം ചെയ്ത് സ്കൂൾ പ്രിൻസിപ്പാൾ ശ്രീമതി കെ.എൻ.പദ്മ ടീച്ച   ഉദ്ഘാടനം നിർവഹിച്ചു.

100-ാം വാർഷികം ആഘോഷിച്ചു.

നൂറിന്റെ നിറവിൽ ടിഡി ടി. ടി ഐ.

 തുറവൂർ തിരുമല ദേവസ്വം ടീച്ചർ ട്രെയിനിങ് ഇൻസ്റ്റിറ്റ്യൂട്ടിൽ  നൂറാമത് സ്കൂൾ വാർഷികാഘോഷം ' നിറവ് '-2023 വിവിധ ആഘോഷ പരിപാടികളോടെ സംഘടിപ്പിച്ചു. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ്  ശ്രീമതി. ഗീതാ ഷാജി അധ്യക്ഷയായി. അരൂർ  എം.എൽ.എ. ശ്രീമതി.ദലീമ ജോജോ വാർഷികാഘോഷം ഉദ്ഘാടനം ചെയ്ത് സംസാരിച്ചു. മുഖ്യ അതിഥിയായ ആലപ്പുഴ ജില്ലാ കളക്ടർ ശ്രീ. വി ആർ  കൃഷ്ണ തേജ ഐഎഎസ് തന്റെ ജീവിതാനുഭവങ്ങൾ കുട്ടികളുമായി പങ്കുവയ്ക്കുകയും, ഈ കാലഘട്ടത്തിൽ വിദ്യാഭ്യാസത്തിന്റെ പ്രാധാന്യത്തെക്കുറിച്ച് സംസാരിക്കുകയും ചെയ്തു. " നൂറാം വർഷം നൂറ് നന്മകൾ" എന്ന പദ്ധതി  നൂറു കുട്ടികൾക്ക് പഠനസഹായം ഏറ്റെടുത്തുകൊണ്ട് സ്കൂൾ മാനേജർ ശ്രീ എച്ച് പ്രേംകുമാർ അവർകൾ ഉദ്ഘാടനം ചെയ്തു. ടി ഡി സ്കൂളിൽ നിന്ന് വിരമിക്കുന്ന അധ്യാപകർക്കുള്ള ഉപഹാര സമർപ്പണം  കുത്തിയതോട് ഗ്രാമപഞ്ചായത്ത് പ്രസിഡന്റ് എംജി  രാജേശ്വരി അവർകൾ നിർവഹിച്ചു. കെ ടെറ്റ് വിജയം നേടിയ അധ്യാപക വിദ്യാർത്ഥികൾ, എൽ എസ് എസ് യു എസ് എസ് വിജയം നേടിയ വിദ്യാർത്ഥികൾ, സംസ്കൃതം സ്കോളർഷിപ്പ് നേടിയ വിദ്യാർത്ഥികൾ  എന്നിവരെ ആദരിച്ചു. പ്രിൻസിപ്പാൾ കുമാരി കെ എൻ പത്മം സ്വാഗതം പറഞ്ഞു. പിടിഎ പ്രസിഡന്റ്  എൻ ആർ ഷിനോദ്, ടിഡിഎച്ച്എസ്എസ് പ്രിൻസിപ്പൽ ശ്രീമതി മായ, ടി ഡി എച്ച് പ്രധാന അധ്യാപകൻ  ശ്രീ.സോഫായി, മാതൃസംഗമം പ്രസിഡണ്ട് ദിവ്യ സുധീഷ്, സ്റ്റാഫ് സെക്രട്ടറി അജിത് സാർ എന്നിവർ ആശംസകൾ അറിയിച്ചു.വിരമിക്കുന്ന അധ്യാപകർ മറുപടി പ്രസംഗം നടത്തുകയും ചെയ്തു. തുടർന്ന് കുട്ടികളുടെ  കലാപരിപാടികൾ സദസ്സിന്  നവ്യ അനുഭവമായി. കൺവീനർ ശ്രീമതി എസ് അഭിലാഷ കൃതജ്ഞത അറിയിച്ചു.

ലോക മാതൃഭാഷാ ദിനം ആചരിച്ചു.

ലോക മാതൃഭാഷാ ദിനം ആചരിച്ചു.

തുറവൂർ ടി.ഡി ടി.ടി ഐ യിൽ ഇന്ന് ഫെബ്രുവരി 21 ന് രാവിലെ 10 മണിയ്ക്ക് വിവിധ പരിപാടികളോടെ മാതൃഭാഷാ ദിനം ആചരിച്ചു.റിട്ടേയ്ഡ് മലയാളം അധ്യാപികയായ ശ്രീമതി ലീല ടീച്ചറെ ആദരിച്ചു. ഭാഷാ പ്രതിജ്ഞ, ചുമർചിത്ര പ്രദർശനം, മാഗസിൻ പ്രകാശനം, മലയാളം, കൊങ്കിണി, സംസ്കൃതം, തമിഴ്, ഹിന്ദി, ഇംഗ്ലീഷ്, അറബി, കന്നഡ എന്നി ഭാഷകളിൽ മാതൃഭാഷയെക്കുറിച്ചുള്ള പ്രസംഗം എന്നിവ സംഘടിപ്പിച്ചു.തുടർന്ന് വിദ്യാർത്ഥികളുടെ വ്യത്യസ്ത പരിപാടികളും സംഘടിപ്പിച്ചു.സ്കൂൾ പ്രിൻസിപ്പാൾ ശ്രീമതി.കുമാരി. കെ.എൻ പദ്മ ടീച്ചർ നേതൃത്വം വഹിച്ചു. മലയാളം അധ്യാപിക ശ്രീമതി,കവിത മലയാളംടീച്ചർ എഡ്യൂക്കേറ്റർ ശ്രീ.ആർ രാകേഷ് കമ്മത്ത് എന്നിവർ ആശംസകൾ അർപ്പിച്ചു..

ആകാശങ്ങൾക്കപ്പുറം സിനിമ പ്രദർശിപ്പിച്ചു

ശാസ്ത്ര വിദ്യാഭ്യാസ മൂല്യവും കലാമൂല്യവും കോർത്തിണക്കി നിർമ്മിച്ച ആദ്യമലയാളസിനിമ "ആകാശങ്ങൾക്കപ്പുറം " എന്ന സിനിമയുടെ ചിത്രപ്രദർശനം അധ്യാപക വിദ്യാർത്ഥികൾക്കും, വിദ്യാർത്ഥികൾക്കുമായി തുറവുർ ടി.ഡി.ടി.ടി ഐ യിൽ ഇന്ന് പ്രദർശിപ്പിച്ചു..

ഡി.എൽ.എഡ് വിദ്യാർത്ഥികളുടെ ഇടക്കാല വിലയിരുത്തലും രക്ഷകർത്യാ യോഗം സംഘടിപ്പിച്ചു.

തുറവൂർ ടി.ഡി.ടി.ടി.ഐയിൽ ഡി.എൽ.എഡ് വിദ്യാർത്ഥികളുടെ ആദ്യ സെമസ്റ്ററിൻ്റെ ഇടകാല വിലയിരുത്തൽ നടത്തി. രക്ഷകർത്തായോഗം സംഘടിപ്പിച്ചു.സ്കൂൾ പ്രിൻസിപ്പാൾ പദ്മ ടീച്ചർ അജണ്ട അവതരിപ്പിച്ചു.രക്ഷിതാക്കൾ അഭിപ്രായ പ്രകടനം നടത്തി. ടീച്ചർ എഡ്യൂക്കേറ്ററായ ഹരികൃഷ്ണ ബാബു, ആശ.വി, രാകേഷ് കമ്മത്ത് എന്നിവർ സംസാരിച്ചു.

ചൈൽഡ് ഫോർ ആലപ്പി ഒരു പിടി നന്മയുടെ ഭാഗമായി അധ്യാപക വിദ്യാർത്ഥികൾ...

ആലപ്പുഴ ജില്ലാ കളക്ടറുടെ നേതൃത്വത്തിൽ സംഘടിപ്പിക്കുന്ന ഒരു പിടി നന്മയുടെ ഭാഗമായി അധ്യാപക വിദ്യാർത്ഥികളും പങ്കാളികളായി. ഭക്ഷ്യധാന്യങ്ങളും, മറ്റ് അവശ്യസാധനങ്ങളും കൈമാറി.. സ്കൂൾ പ്രിൻസിപ്പാൾ കെ.എൻ പദ്മ ടീച്ചർ ആശംസകൾ അർപ്പിച്ചു സംസാരിച്ചു.

റിപബ്ലിക് ദിനം ആഘോഷിച്ചു

തുറവൂർ ടി.ഡി ടി.ടി ഐ യിൽ വിപുലമായ ചടങ്ങുകളോടെ റിപബ്ലിക് ദിനം ആഘോഷിച്ചു.സ്കൂൾ പ്രിൻസിപ്പാൾ ശ്രീമതി കെ.എൻ.പദ്മ ടീച്ചർ പതാക ഉയർത്തി. പിടി.എ പ്രസിഡണ്ട് ഷിനോദ് ആശംസകൾ അർപ്പിച്ചു.ദേശഭക്തിഗാനം, പ്രസംഗം, എന്നിവ സംഘടിപ്പിച്ചു. തുടർന്ന്മധുരവിതരണം നടത്തി