അബ്ദുൾ കലാം ചരമദിനം ആചരിച്ചു.

*ഡോ. എ.പി.ജെ അബ്ദുൾ കലാമിന്റെ             ചരമവാർഷികദിനം*

              ജൂലൈ 27

ജീവിതം കൊണ്ട് ഇന്ത്യയെ പ്രചോദിപ്പിച്ച രാഷ്ട്രപതി ഡോ. എ.പി.ജെ. അബ്ദുള്‍ കലാം ഓര്‍മ്മയായിട്ട് ആറ് വര്‍ഷം പിന്നിടുന്നു. ടി.ഡി. ടി.ടി.ഐ. ഒന്നാം വർഷ  അധ്യാപക വിദ്യാർത്ഥികൾ  ഓൺലൈനിലൂടെ അനുസ്മരണം  സംഘടിപ്പിച്ചു.  12 മണി യോടെ ആദ്യ ഗ്രൂപ്പായ പമ്പ അബ്ദുൾ കലാമിന്റെ ഉദ്ധരണികൾ അടങ്ങിയ ഫ്ലിപ്പ് ബുക്ക് തയ്യാറാക്കിയിട്ടു  . രണ്ടാമത്തെ ഗ്രൂപ്പായ അളകനന്ദ അബ്ദുൾ കലാം ക്വിസ് ആണ് സംഘടിപ്പിച്ചത്.മൂന്നാമത്തെ ഗ്രൂപ്പ്‌ ഗംഗ അബ്ദുൾ കലാമിന്റെ ജീവചരിത്രം ഫ്ലിപ്പ് ബുക്ക് തയാറാക്കി. നാലാമത്തെ ഗ്രൂപ്പായ കബനി  ഡിജിറ്റൽ വീഡിയോ പ്രദർശനമാണ്  ഒരുക്കിയത്.അഞ്ചാമത്തെ ഗ്രൂപ്പായ കാവേരി അബ്ദുൾ കലാമിന്റെ ഉദ്ധരണികൾ pdf ആയി തയാറാക്കിയത്. ഡിജിറ്റലായി സംഘടിപ്പിച്ച ഈ പരിപാടിക്ക് ടി.ഡി.ടി.ടി.ഐയിലെ ടീച്ചർ എഡ്യുക്കേറ്റർമാരുടെ പൂർണ്ണ പിന്തുണ ഉണ്ടായിരുന്നു.

ചാന്ദ്രദിനം സംഘടിപ്പിച്ചു

ജൂലൈ 21 ; ലോക ചാന്ദ്രദിനം

1969 ജൂലൈ 21 ന് മനുഷ്യൻ ആദ്യമായി ചന്ദ്രനിൽ കാലുകുത്തിയതിൻ്റെ ഓർമ്മയ്ക്കായി നാം എല്ലാവർഷവും ജൂലൈ 21 ചാന്ദ്രദിനമായി ആഘോഷിച്ചുവരുന്നു. നീൽ ആംസ്ട്രോങ്ങിൻ്റെ ആദ്യ കാൽവെയ്പ്പ് മനുഷ്യരാശിയുടെ ചരിത്രത്തിലെ തന്നെ സുവർണ്ണ നിമിഷമായിരുന്നു.

ജൂലൈ 21 ചാന്ദ്രദിനത്തിൻ്റെ ഭാഗമായി തുറവൂർ ടി.ഡി.ടി.ടി.ഐയിലെ അധ്യാപകവിദ്യാർത്ഥികൾ ഓൺലൈനിലൂടെ ശാസ്ത്ര അധ്യാപികയായ ശ്രീമതി ആശടീച്ചറുടെ നേതൃത്വത്തിൽപരിപാടികൾ സംഘടിപ്പിച്ചു. പ്രിൻസിപ്പാൾ പദ്മ ടീച്ചർ, ടീച്ചർ എഡ്യുക്കേറ്റർമാരായ ശ്രീ,ഹരികൃഷ്ണബാബു, ശ്രീരാകേഷ് കമ്മത്ത് എന്നിവർ ആശംസകൾ അർപ്പിച്ചു.തുടർന്ന്,ഗ്രൂപ്പ് അടിസ്ഥാനത്തിൽ ചാന്ദ്രദിനത്തിൻ്റെ പ്രാധാന്യം വ്യക്തമാക്കുന്ന ചുമർപത്രിക നിർമ്മാണം, പ്രസംഗം,ഓൺലൈൻ ക്വിസ്സ്,ചന്ദ്രനെക്കുറിച്ചുള്ള പാട്ടുകളുടെ അവതരണം,ചാന്ദ്രദിനത്തെക്കുറിച്ച് അറിവ് പകരുന്ന വിവരണം തയ്യാറിക്കൽ എന്നിവ സംഘടിപ്പിച്ചു.ഈ ദിനാചരണത്തിലൂടെ ചന്ദ്രനെക്കുറിച്ചും ചാന്ദ്രദിനത്തിൻ്റെ പ്രാധാന്യത്തെക്കുറിച്ചും ചാന്ദ്രദൗത്യങ്ങളെക്കുറിച്ചും  കൂടുതൽ അറിയാൻ സാധിച്ചു.

സ്ത്രി ധനത്തിനെതിരെ ബോധവത്കരണ ക്ലാസ് സംഘടിപ്പിച്ചു.

"സ്ത്രീധനം" എന്ന സാമൂഹ്യ തിൻമക്കെതിരേ നിയമബോധവൽക്കരണ ക്ലാസ് സംഘടിപ്പിച്ചു. 

തുറവൂർ ടി. ഡി. ടി. ടി. ഐ. യിൽ 18/07/21 ന് ഉച്ചയ്ക്ക് 2 മണിക്ക് അധ്യാപക വിദ്യാർത്ഥികൾക്കായി ജില്ലാ നിയമ സേവന അതോറിറ്റി "സ്ത്രീധനം" എന്ന സാമൂഹ്യ തിന്മക്കെതിരെ നിയമബോധവൽക്കരണ ക്ലാസ്  സംഘടിപ്പിച്ചു. ഈശ്വര പ്രാർത്ഥനയോടെ ആരംഭിച്ച യോഗത്തിൽ ടീച്ചർ എഡ്യുക്കേറ്റർ സി.ഹരികൃഷ്ണ ബാബു സാർ സ്വാഗതം ആശംസിച്ചു കൊണ്ട് സംസാരിച്ചു.

ടി. ഡി. ടി. ടി. ഐ. പ്രിൻസിപ്പാൾ ശ്രീമതി കുമാരി കെ എൻ പദ്മം അദ്ധ്യക്ഷപ്രസംഗം നടത്തി.

ടി. എൽ. എസ്. സി. ചെയർപേഴ്സൺ ശ്രീമതി ലീന റഷീദ് (സബ് ജഡ്ജ്, ചേർത്തല) ഉദ്ഘാടന കർമ്മം നിർവഹിച്ചുകൊണ്ട് സംസാരിച്ചു. തുടർന്ന് ബാർ അസ്സോസിയേഷൻ പ്രസിഡന്റ് & അഡീഷനൽ ഗവ. പ്ലീഡർ ശ്രീ.പി. ജി. ലെനിൻ ആശംസകൾ അർപ്പിച്ച് സംസാരിച്ചു. 

നിയമബോധവൽക്കരണ ക്ലാസ് നടത്തിയത് അഡ്വ.മാത്യു അലക്സാണ്ടർ സാർ ആയിരുന്നു. അതിനു ശേഷം അധ്യാപക വിദ്യാർത്ഥികളായ മഞ്ചുഷ, കാർത്തിക, ആദിത്യ എന്നിവർ അനുഭവങ്ങൾ പങ്കുവച്ചു കൊണ്ട് സംസാരിച്ചു. കൃതജ്ഞക്ക് ശേഷം 3.45ന് ദേശീയഗാനത്തോടെ നിയമബോധവൽക്കരണ ക്ലാസ് സമാപിച്ചു.

രാമായണ മാസാചരണം സംഘടിപ്പിച്ചു.

രാമായണ മാസചരണം ആരംഭിച്ചു..

തുറവൂർ ടി.ഡി.ടി.ടി.ഐയിൽ 17.07.2021 ന് വൈകിട്ട് 4 മണിക്ക് അധ്യാപക വിദ്യാർത്ഥികളുടെ നേത്യത്വത്തിൽ രാമായണ മാസം സംഘടിപ്പിച്ചു.കുമാരി അനുപമ ഈശ്വര പ്രാർത്ഥന ആലപിച്ചു.തുടർന്ന് മലയാളം ടീച്ചർ എഡ്യുക്കേറ്ററായ ശ്രീ.ആർ.രാകേഷ് കമ്മത്ത് സ്വാഗതവും. പ്രിൻസിപ്പാൾ ശ്രീമതി കുമാരി കെ.എൻപദ്മ ടീച്ചർ അധ്യക്ഷ പ്രസംഗം നടത്തി. രാമായണം മാനവിക മൂല്യങ്ങൾ എന്ന വിഷയത്തെക്കുറിച്ച്.ശ്രീശങ്കരാചാര്യ സർവ്വകലാശാലയിലെ പ്രൊഫസറായ ശ്രീ ഡോ.കൃഷ്ണൻ നമ്പൂതിരി പ്രഭാഷണം നടത്തി. തുടർന്ന് മഞ്ജുഷ, ഗോപിക എന്നിവർ ചേർന്ന് രാമായണ പാരായണവും നടത്തി.ടീച്ചർ എഡ്യുക്കേറ്റർമാരായ ശ്രീ.സി.ഹരികൃഷ്ണ ബാബു, ശ്രീമതി. ആശ.വി. എന്നിവർ ആശംസകൾ അർപ്പിച്ചു. സുഷ എസ് കൈമൾ നന്ദി രേഖപ്പെടുത്തി.ഇനി. ഒരു മാസം മുഴുവൻ.രാമായണത്തിൻ്റെ പ്രാധാന്യം വ്യക്ത്തമാക്കുന്ന പരിപാടികൾ അധ്യാപക വിദ്യാർത്ഥികൾ സംഘടിപ്പിക്കും.🙏

ഓണത്തിന് ഒരു മുറം പച്ചക്കറി പദ്ധതി ഉദ്ഘാടനം നിർവഹിച്ചു.

*''ഓണത്തിന് ഒരു മുറം പച്ചക്കറി " പദ്ധതി ഉദ്ഘാടനം നിർവഹിച്ചു.* സംസ്ഥാന കൃഷിവകുപ്പിൻ്റെ നേതൃത്വത്തിൽ 16.07.2021 ന് ഉച്ചയ്ക്ക് 2 മണിക്ക്,

"ഓണത്തിന് ഒരു മുറം പച്ചക്കറി '' എന്ന പദ്ധതിയ്ക്ക് തുടക്കം കുറിച്ചു.ടി.ഡി ടി.ടി ഐ പ്രിൻസിപ്പാൾ ശ്രീമതി കുമാരി കെ.എൻ.പദ്മം,പച്ചക്കറിവിത്തുക്കൾ അധ്യാപക വിദ്യാർത്ഥികൾക്ക് നൽകി ഉദ്ഘാടനം നിർവഹിച്ചു വിഷ രഹിത പച്ചക്കറികൾ സ്വന്തം അധ്വാനത്തിലൂടെ ഉൽപാദിപ്പിക്കണമെന്നുംഈ വരുന്ന ഞാറ്റുവേലയ്ക്ക് കൃഷി ആരംഭിക്കണമെന്നും ടീച്ചർ അഭിപ്രായപ്പെട്ടു.. ടീച്ചർ എഡ്യുക്കേറ്റർമാരായ ശ്രീ ഹരികൃഷ്ണ ബാബു, ശ്രീമതി ആശ.വി ശ്രീ,. ആർ രാകേഷ് കമ്മത്ത് എന്നിവർ ആശംസകൾ അർപ്പിച്ചു.

ട്രൈ ഔട്ട് പരിശീലനം സംഘടിപ്പിച്ചു.

ട്രൈ ഔട്ട് പരിശീലനം സംഘടിപ്പിച്ചു.

ഒന്നാം വർഷ അധ്യാപക വിദ്യാർത്ഥികളുടെ വിദ്യാലയ അനുഭവ പരിപാടികളുടെ ഭാഗമായിട്ടുള്ള വിവിധ വിഷയങ്ങളിലുള്ള ട്രൈ * ഔട്ട് ക്ലാസുകൾ 08, 07.2021 മുതൽ 15.07.202l വരെ, തുറവുർപ്രദേശങ്ങളിലുള്ള 10 സ്കൂളിലേക്ക് ഓൺലൈനിലൂടെ സംഘടിപ്പിച്ചു.സ്കൂളുകളിലെ പ്രഥമ അധ്യാപകരും, മറ്റ് അധ്യാപകരും അധ്യാപക വിദ്യാർത്ഥികൾക്ക് വേണ്ട പിന്തുണകൾ നൽകി. പ്രിൻസിപ്പാൾ പദ്മടീച്ചറുടെ നേത്യത്വത്തിൽ ടീച്ചർ എഡ്യുകേറ്റർമാരായ ഹരികൃഷ്ണബാബു, ആശ. വി. രാകേഷ് കമ്മത്ത് എന്നിവരും അധ്യാപക വിദ്യാർത്ഥികൾക്ക് വേണ്ട നിർദ്ദേശങ്ങൾ നൽകി. 14.07.2021 ൽ ഓൺലൈനിലൂടെ അവലോകനവും, വർക്കുക്കളുടെ വിലയിരുത്തലും. സംഘടിപ്പിച്ചു.

ലോക ജനസംഖ്യാ ദിനം സംഘടിപ്പിച്ചു'

ജുലൈ 11 ന് ടി ഡി ടി.ടി ഐ യിൽ അധ്യാപക വിദ്യാർത്ഥികളുടെ നേത്യത്വത്തിൽ ലോകജനസംഖ്യാ ദിനം ആചരിച്ചു. ഓൺലൈനിലൂടെ പോസ്റ്റർ, ' ഡിജിറ്റൽ ആൽബം, ബോധവത്കരണം ക്വിസ് എന്നി പരിപാടികൾ വിവിധ സ്കൂളുകളെ കേന്ദ്രീകരിച്ചു കൊണ്ട് അധ്യാപക വിദ്യാർത്ഥികൾ സംഘടിപ്പിച്ചു.പരിപാടികൾക്ക് ടീച്ചർ എഡ്യൂക്കേറ്റർ

സ് നേതൃത്വം നൽകി.

ഒരുമയോടെ ഡിജിറ്റൽ സഹവാസ ക്യാമ്പിന് സമാപനം..

തുറവൂർ ടി.ഡി ടി.ടി ഐ യിൽ രണ്ടാം വർഷ അധ്യാപക വിദ്യാർത്ഥികളുടെ ഓൺലൈൻ ഡിജിറ്റൽ ക്യാമ്പ് സമാപിച്ചു. ഡയറ്റ് സീനയർ ഫാക്കൽട്ടി ആയ.എൻ.ശ്രീകുമാർ സാർ സമാപന സമ്മേളനം ഉദ്ഘാടനം ചെയ്തു. അധ്യാപക വിദ്യാർത്ഥികളുടെ തനതായ പ്രവർത്തനങ്ങൾക്ക് ക്രിയാത്മകമായ ഇടപെടലുകൾക്ക് ആശംസകൾ അർപ്പിച്ചു. പ്രിൻസിപ്പാൾ കെ.എൻപദ്മം, ഹരികൃഷ്ണബാബു, ആശ.വി., രാകേഷ്കമ്മത്ത് എന്നിവർ ആശംസകൾ അർപ്പിച്ചു.ക്യാമ്പ് വി ഡിയോ അവതരണത്തിനു ശേഷം കുട്ടികളുടെ കലാപരിപാടികൾ നടന്നു.രക്ഷിതാക്കളും വിദ്യാർത്ഥികളും ക്യാമ്പ അനുഭവങ്ങൾ പങ്കുവെച്ചു. അധ്യാപക വിദ്യാർത്ഥി പ്രതിനിധി കാവ്യ നന്ദി രേഖപ്പെടുത്തി.

,

ഉറൂബ് അനുസ്മരണം സംഘടിപ്പിച്ചു.

ജൂലൈ 10 2021 ന് സാഹിത്യ രംഗത്ത് ഒട്ടേറെ സംഭാവനകൾ നൽകിയ ഉറൂബിൻ്റെ അനുസ്മരണ ദിനം ഓൺലൈനിലൂടെ അധ്യാപക വിദ്യാർത്ഥികൾ സംഘടിപ്പിച്ചു.അദ്ദേഹത്തിൻ്റെ , കൃതികൾ, പുസ്തകവായന എന്നിവ അവതരിപ്പിച്ച് കൊണ്ട്. തുറവൂർ മേഖലയിൽ വിവിധ സ്കൂളുകളിൽ കേന്ദ്രീകരിച്ചായിരുന്നു. അനുസ്മരണ പരിപാടികൾ സംഘടിപ്പിച്ചത്. ടി.ടി ഐ പ്രിൻസിപ്പാൾ, പദ്മ ടീച്ചർ, ഹരി സാർ, ആശ ടീച്ചർ, രാകേഷ് സാർ എന്നിവർ പരിപാടികൾക്ക് നേത്യത്വം നൽകി.

ബഷീർ അനുസ്മരണം സംഘടിപ്പിച്ചു.

*ജൂലൈ 5 ബഷീർ ദിനം .* 

വിശ്വസാഹിത്യകാരനായ വൈക്കം മുഹമ്മദ് ബഷീറിന്റെ 27-ാം അനുസ്മരണ ദിനം ടി.ഡി. ടി.ടി.ഐ. ഒന്നാം വർഷ  അധ്യാപക വിദ്യാർത്ഥികൾ ഓൺലൈനായി സംഘടിപ്പിച്ചു. രാവിലെ 10 മണി മുതൽ ഗൂഗിൾ മീറ്റിലൂടെയാണ് ദിനാചരണം നടത്തിയത്. ഒന്നാമത്തെ ഗ്രൂപ്പ് പമ്പ ബഷീറിന്റെ ജീവചരിത്രം വീഡിയോ പ്രദർശനം നടത്തി. ഗ്രൂപ്പ് അളകനന്ദ ബഷീർ ക്വിസ് ആണ് സംഘടിപ്പിച്ചത്. ഗ്രൂപ്പ് ഗംഗ ബഷീർ കൃതികളുടെ ഡിജിറ്റൽ അവിഷ്ക്കാരമാണ് ഒരുക്കിയത്. ഗ്രൂപ്പ് കബനി ബഷീർ കഥാപാത്രങ്ങളെക്കുറിച്ച് നിരൂപണം നടത്തി. ഗ്രൂപ്പ് കാവേരി ബഷീറിന്റെ ഉദ്ധരണികൾ അടങ്ങിയ ഫ്ലിപ്പ് ബുക്ക് തയ്യാറാക്കി. വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ യു.പി സ്കൂൾ വിദ്യാർത്ഥിനികളായ ലക്ഷ്മിയും മീനാക്ഷിയുo ചേർന്ന് ബഷീറിന്റെ 'ഭൂമിയുടെ അവകാശികൾ ' എന്ന നോവലിലെ ഒരു സന്ദർഭം വീഡിയോയിലൂടെ അവതരിപ്പിച്ചു. മലയാള സാഹിത്യത്തിൽ ഏറ്റവും അധികം വായിക്കപ്പെട്ട എഴുത്തുകാരനായ ബഷീറിനെ സാഹിത്യത്തിലെ സുൽത്താൻ എന്ന് തന്നെ വിശേഷിപ്പിക്കാമെന്ന് മലയാളം അധ്യാപകൻ. ശ്രീ.രാകേഷ് കമ്മത്ത് സർ അഭിപ്രായപ്പെട്ടു.പ്രിൻസിപ്പാൾ ശ്രീമതി,പദ്മ ടീച്ചർ, ശ്രീഹരികൃഷ്ണ ബാബുസാർ, ശ്രീമതിആശ ടീച്ചർ. എന്നിവർ ആശംസകൾ അർപ്പിച്ചു.